Chelsea chuan Bayern Munich winger Mathys Tel lak theih dan dapin an thlithlai mek a, German club hnenah hian forward Christopher Nkunku kaltir nghal pawh an duh.
Blues hian nipui lai khan Tel hi an lo ngaihven tawh a. Bayern hnenah hian kum 19 mi hi lei theih a nih chuan indawr an duh tih an hrilh tawh.
Hetih lai hian Nkunku hi inthleng nan an phal tih erawh an hrilh tel lo va, Bayern hian kum 27 mi France international hi a hma atang tawha an ngaihven a ni a. Chelsea-ah hian German club RB Leipzig chhuahsanin kum 2023 khan £ maktaduai 50-in a kal.
Tel hian Allianz Arena-ah hian kum 2029 thleng contract a la neih avangin Chelsea-in an ngaihvenna hian eng chen nge a thlen dawn hriat a mai lo va, winger hian Stamford Bridge hi a pan lui dawn em hriat a ni lo.
Bayern manager thar, Vincent Kompany-a’n tun season atanga a enkawl hnuah Tel hian Bundesliga inkhel pahnih chiah a la khel a ni.