Aizawl: LESDE Minister Lalnghinglova Hmar chuan Mizoram sorkarin thalaiten chhawr tlak thiamna an neih theih nan kawng hrang hranga hma a lak thu leh a bik takin Skill Development & Entrepreneurship atana theihtawp a chhuah thu a sawi.
Thawhlehni khan minister hian Government Industrial Training Institute (ITI), Aizawl-ah Toyota Technical Education Program (T-TEP) chu a hawng a. He training programme hnuaiah hian Toyota Kirloskar Motor Private Limited (TKM) chuan Govt. ITI a zirlaite tan General Technician (mechanic) course an zirtir dawn a ni.