AZL: MZP President H. Lalthianghlima chuan sorkar hna lak hrang hrang an enzui zel dawn tih a sawi.
Thawhlehni khan kumin atan MZP Pisapui hawnna inkhawm neih a ni. He hunah thusawitu MZP president chuan tun hnai hna hrang hrang lakah felhlel tam tak a awm tih an dawng chu pawi a tih thu sawiin, sorkar hna lakte chu an en zui zel dawn tih a sawi a. National Institute of Technology (NIT) Mizoram-in ni November 8, 2024-a an hnalak tur Advertisement a tihchhuah tawh chu dik taka kalpui turin a ngen a. Fair taka a thiam leh tling ngei la turin thuneitute a ngen nghal bawk.
MZP Vice President C Lalremruata kaihhruai inkhawmah hian F. Vanlalrochana, MPS leh F. Lalnienga, Adviser ten thu an sawi bawk.