Aizawl: All Mizoram Village Council Association (AMVCA) ten sorkarin village council term a pawh tawi vanga Gauhati High Court, Aizawl Bench-a an zualkona an hnuhdawh hnuah nimin khan an president, K.Lalngaizuala hmingin court-ah sorkar order khinna (Writ Petition) an theh lut leh.
Thawhlehni khan Mizoram sorkarin village council term a pawh tawi chungchanga AMVCA-in an khinna chu court chuan a ngaihtuah a. AMVCA chu dan anga register society an nih loh avangin sorkar an khinna chu thu tlinga pawm theih a nih loh avangin, sorkar an khinna hi an hnuk kir a. Hetih rual hian, village council term pawh tawi chungchang hi mi mal ang pawha court-a khinna theh luh theih a nih avangin, nimin khan AMVCA President K Lalngaizuala hmingin an theh lut leh a ni.
Thudawn danin, January 16, 2025 khian high court chuan a list ang a, hemi ni hian a case hi sawi nghal turin an beisei a ni.