Thlik Thlok youtube channel chuan Mizo zinga theihna neite inpho chhuah nan Talent Hunt a buatsaih dawn a, lawmman pawisa fai Rs 2,84,000 a sem chhuak dawn.
A duh apiang tan tel theih a ni a, tel duh tan January 20 atangin February 20, 2025 thleng mahni theihna pho lanna video theh luh mai tur a ni a, Thlik Thlok youtube channel-ah hre chiang duh tan ngaihven theih a ni.
Video lut atangin en dik a ni ang a, February 28-ah Top 50-a tling puangin March 7 leh 8-ah an intihsiak ang. March 10-ah Top 20-a tling puang zui lehin March 14 leh 15-ah an intihsiak dawn a ni. March 17-ah Top 10-ah tling puangin intihsiak hnuhnung ber an hmachhawn zui dawn a, March 21-ah final a ni ang.
Top 50-a tling, tlang zui loten Rs 1,000 theuh an dawng ang a, Top 20-a tlate hnenah Rs 1,500 theuh pek an ni dawn a ni.
Pakhatnain Rs 1,00,000 a dawng dawn a, pahnihna Rs 50,000 leh pathumna hnenah Rs 20,000 hlan a ni bawk ang. A sang pathum zinga tel phak a hlu dawn a, palina atanga 10-in Rs 2,000 theuh an la dawn a ni.