Kum 16 chhung zet an inneih hnuah lemchan thiam Jessica Alba leh a pasal, film prodcer Cash Warren te chuan an inthen thu an sawi ve ta.
Ningani liamta khan Alba chuan he thu hi sawichhuakin, mimal hmasawnna leh bung thar keu an duh avanga inrem taka inthenna pawh nei an nih thu a sawi.
Alba te hian an inneih chhung hian fa pathum – Honor(16), Haven (13) leh Hayes (7) te an nei hman a, inthen mahse an fate chu ngaihsak dun reng tura an intiam thu a sawi bawk.
Kum 2004 khan Alba te hi inhre tanin, ‘Fantastic Four’ an chan laiin an intawng a, he movie-ah hian Alba hian role pawimawh tak changin, Warren chu film director Tim Story-a assistant a ni thung a ni.
Nikum May thla khan an inneih kum 16 tlinna lawmin, Alba phei chuan hun harsa kara an la inkawp thei zel chu a lawmthu a ziak kur nasa hman hle.
An inthen chhan tak hi sawichiang dawt lo mah se, an pahniha zalenna zau zawk an neih duh vang nia sawi niin, intihthiam lohna hran an neih thu sawi a ni lo bawk a ni.