Aizawl: January 17, 2025 chawhnu dar 3 khan Baptist Higher Secondary School Science Block chu Rev Dr. R. Lalbiakliana’n a hawng.
Hawnna inkhawm hi Upa R. Lalhmingmuana, Principal BHSS-in kaihruaiin, kalkhawmte lawmna leh Pathian hnena inkawltirna a neih hnuin, Upa Er. Victor Lalrinawma Sailo, Director, Property department-in tachnical report pein, BHSS Academic Block-II sak hna hi a tir lamah school lamin enkawlin, kum 2018 a tan a ni a. Sum harsatna vangin hun rei tak chawlhsan a nih hnuah, kum 2021 atangin BCM Property Department kutah dah niin, theih ang angin hmalak chhoh nghal a ni.
Technical report-in a tarlan danin, building sak nan hian Rs 1,88,41,932 sen a ni a. Building hi chhawng li a ni a, chhawng tin hi a dung ft 105 leh a vang ft 37 a ni. Floor tinah hian classroom pathum leh staff room a awm zel bawk.