Lemchan thiam Angelina Jolie chuan a fate chu engkim hmachhawn thiam tura zirtir a duh thu a sawi.
Tun hnaia Los Angeles ram kang nasa taka avanga an hnual mai loh nan leh nakin huna harsatna an hmachhawn thiam theih nan Jolie chuan a fate ho chu harsatna hmachhawn dan thiam a tul thu leh a zirtir fo thin a nih thu a sawichhuak.
A hmain Jolie chuan a fate ho hi martial arts a zirtir nasa hle tawh a, mahni inrintawkna an neih theih nana hei hi ti a nih thu a lo sawi tawh bawk.
Jolie chuan a fate chu LA ram kang avanga an phili buai mai loh nan leh harsatna thleng palh thulha inven dan an thiam theih nan survivalism zirtir leh a duh thu sawiin, hei hi anmahni tan a nih thu a sawi bawk.
Ni engemawzat chhung chu LA ram kang avang hian milar tam tak pawhin buaina an tawk mek a, hetiang karah hian Angelina Jolie chuan a fate chu engpawh thleng se dam khawchhuah dan an zir a duh ber a nih thu sawiin, heng thiamna hrang hrangte hi anmahni tana eng lai pawha tangkai thei anih avangin inven dan an thiam a tul thu a sawi.