Aizawl: MNF Vice President Vanlalzawma chuan sorkar an hrawn meka beidawngte luhkhawmna turin MNF party a inbuatsaih mek niin a sawi.
Thawhtannia Mizo Hnam Runa chhung inkhawmah MNF Vice President Vanlalzawma chuan thu sawiin, MNF party chu an rammut laiin hnam sipaiten chaw puarkhawp pawh hmu manglo chung pawha ram leh hnam tan an tha leh zung an hlan tih a sawi a. Tuna ram dinhmun mek en hian he ram hi a him em tih leh he hnam hi a dam em tih an ngaihtuah a tul tih a sawi a. A tul chuan ram leh hnam tana thi turin MNF tobulah kir leh tura an buatsaih a tul thu a sawi.
Vanlalzawma chuan ZPM kaihhruai sorkar an hrawn mekah thalai beidawng an tam tih sawiin, thalai beidawngte luh khawmna buatsaih a tul thu leh, hmeichhe tana hamthatna siam an ngaih pawimawh a tul thu sawiin, “Sorkar kan hrawn meka beidawngte luhkhawmna turin MNF party chu a inbuatsaih mek a ni,” a ti.
LC/ VC inthlan lo awm turah, MNF Block leh Unit hruaitute an phur thu sawiin Vanlalzawmna chuan, “An phur chhan chu, ZPM sorkar a lo pian theihna tura vote-tu tam tak ten, ZPM sorkar an thlawpna an hnuk kir mek vang a ni,” tiin, ZPM sorkar chu inthlan hmaa an sawi angin an awm lo va, an sawi loh angin an awm mek zawk a. An sorkar hma leh an sorkar hnua an thusawi a insual nasa hle niin a sawi bawk.