Aizawl: Lawngtlai District MJA-te chuan social media-a Lawngtlai By Pass Road-a tlakdal (parapet) siam chhe lutuk, kut lawng pawha kheuh thlak mai theih nia lang chu nimin chawhma khan a hmunah an enfiah.
MJA-te hian chawhma dar 11-ah By Pass Road hi an thleng a, social media-a video darh chu kawngthlang lamah khawl hmanga nawr liam vek a lo ni tawh a. Nawr liam a nih hun hi hriat ni chiah lo mah se nizan hmasa zan rei lam emaw, nimin zing lamah emaw a nih a rinawm.
Helai kawnga parapet dangte pawh MJA hruaituten an en chinah chuan tlema rinngam deuh tur awm mah se, a tlangpuia thlir chuan hmanraw tha lo, a nih dan tur anga hnathawh loh niin an hria a. Thuneituten a rang lamin hmala se an duh thu an sawi.
Lawngtlai khawpui helna tur hi November 20, 2020-ah thawh tan niin, March, 2025-ah zawh fel tura ruahman a ni a. Tunah hian hna hi zawh fel thawkhat a ni tawh.
By Pass Road hi KMMTTP kawngpui atanga National Highway 54, 71 RCC Camp a pawhna thleng hian km 2.27 a thui niin Rs vbc 31.14 senna tura ruahman a ni.