Mizoram Presbyterian kohhran hnuaia Kristian Thalai Pawl (KTP) Pastor bial hrang hrangah bial conference chu zanin atang hian tan a ni dawn.
Bial KTP Conference Pathianni thleng neih tura tih a ni a. Zanin hian palai lawmna leh report inkhawm a awm ang a. Naktuk nilengin rorel a ni ang a, Inrinni zan atanga Pathianni zan thlengin vantlang Pathian biak inkhawm a awm ang.
Bial KTP Conference hman dan tur hi bial committee-in ngaihtuahin mahni remchan dan anga hman thin a ni a, bial hrang hranga hman dan pawh a inang vek lo va. Pastor bial thenkahtah thupui thlan bik neiin speaker-in an sawi thin a, bial thenkhatah erawh bial hruaituten an insawi chhawk chang a awm thin.