Pop star P!NK chuan tleirawl pakhat hnen atanga lehkhathawn rilru khawih deuh a dawng a. Chutah chuan a pu-in a pawngsual thin thu leh a nu dam lai pawhin a nu hi a khawih ziah tih a tarlang.
A ziah zelnaah chuan engtikah mah music chawlhsan lo tur leh a music hian beiseina a la pek zel thu a tar-lang bawk a, Pink (a hming tak Alecia Moore) chuan, “Paris-ah a ni a, ka naupan lai chanchin ka sawi a.
“Ka nu leh pate an inthen vangin hreh-awm takin hun ka hmang a. Hemi chungchang hi interview pakhatah ka sawi chhuak a, ka lungchhe lutuk a, ka tap chhuak hial a ni.
“Music pawh hi chawlhsan mai ila, ka awm ang ang hian awm tawp mai ila ka ti deuh hman hial bawk a, mahse tleirawl kum 13-a upa chuan a pu-in a pawngsual thin thu ziah-na lehkha min rawn thawn a. chuta tang chuan rilru ka thlak leh ta a ni,” a ti.
A hla chungchanga sawiselna awm thin chu a ngaihsak loh thu leh mi tam takin tangkai taka an chhawr tih a hriat avangin a kal chho zel dawn tih pawh a sawi lang bawk a, “Thenkhatin i hla hi chu ti kha ti a, an ti fo mai a, mahse ka care lo chiang.
“Mi rilru na te a hnem a, hahdamna an chang tih hi ka hrechiang ve thawkhat tawh a, ka zam dawn lo reng reng,” a ti hmiah.