Aizawl: Mamit District Drug Disposal Committee hmalaknain Mamit chhunga drugs leh ruihhlo man hrang hrang halralna hun Mamit District Hospital incinerator-ah nimin khan neih niin, district Bawrhsap K Laltlawmlova’n a hmanpui.
Bawrhsap chuan SP Mamit leh a team te hnenah lawmthu sawiin, hma an lak that zarah ruihhlo tam tak man a nih thu a sawi a. Ruihhlo do kawngah theihtawp chhuah zel tura fuihin, Mamit chu ram inrinaa awm a nih avangin ruihhlo tawlh ruk nan hman a ni thin a, hemi do tur hian police mai ni lo YMA leh tlawmngai pawlte thahnemngai taka thawk chhunzawm zel turin a chah.
He hun kaihruaitu, Pukhraj Kamal, SP Mamit chuan andistrict-a drugs tibo turin theihtawpin police-in hma an lak thu a sawi a, drugs ti lo turin thalaite chu chahin uar takin drugs do kawngah hmalak a tul thu a sawi.
Drugs halral hi avaiin Rs 2,98,04,250 man hu niin, an hal ral zingah heroin, meth leh ganja te pawh an tel.