Real Madrid chu football club zinga kum khat chhunga Euro tluklehdingawn hlep nei thei hmasa ber niin Deloitte chuan a chhut chhuak.
Spanish club hian Deloitte-in Money League tia zir chianna a kalpuiah 2023-24 season-a La Liga leh Champions League an champion kumah Euro tluklehdingawn 1.05 an hlep niin a tar lang a, hlep tha ber a ni.
Manchester City chuan dawtin £ maktduai 708 an hlep phak a. Anni hi a zawna a vawi li nan Premier League nomawi an lak bakah Club World Cup leh season hmasa European Super Cup an la.
Paris St-Germain (£ maktduai 681), Manchester United (£ maktduai 651) leh Bayern Munich (£ maktaduai 646) te chuan dawtin a sang panga an ni.
Aston Villa chu a sang 20 zingah lut tharin kum 2011 hnua season hmasaa khawmualpui huap inelnaa an tel chu an hlep tithatu a ni.
Sum la lut tam zual 20 zingah Premier League club pakua an tel a. Arsenal, Liverpool, Tottenham, Chelsea, Newcastle leh West Ham te an ni.
Lyon chu a sang 20 zinga tel thar ni ve bawkin Napoli leh Eintracht Frankfurt an la lang pha ta rih lo thung.
21-na leh 30-na inkarah Premier League club panga an lang a. Brighton chu a vawi khat nana Europa League-a an inlan hnuah 21-na an ni phak.
Crystal Palace, Everton, Fulham leh Wolves te chuan 26-na atanga 29-na an hauh.
Sum la lut tam 20-te hi an suam lak luh chu 6%-in a pung a, a vaiin £ tluklehdingawn 9.47 an la lut.
Inkhel entu atanga sum lak luh chu nasa takin a pung a, hei hi khelmual tihlen vang leh en hahdam tura hmunhma buatsaih that zar niin 11% zeta a hma kum aia tamin £ tluklehdingawn 1.77 an hmu.