Aizawl: January 23-25, 2025 chhunga Bangalore-a International Trade Fair buatsaih chu Agriculture Minister PC Vanlalruata’n a telpui.
He hunah hian organic (chemical fertilizer tel lo) thlai hmanga ei tur chi hrang hrang siam chhuahte pho chhuah a nih bakah buhtun (millet) chawi larna tur campaign neih a ni.
Agriculture minister hian Mizorama vaimin ei chhetu rannung (Fall Army Worm) tirem tura sorkarin a rawih, Indian Council Of Agriculture Resource hnuaia National Bureau Of Agriculture Insect Resources hmunpui a tlawhin Mizorama lo neituten harsatna an tawh thin sawhthing tam leh serthlum bawmtu leh ei chhetu rannung, thlangdar zirchiang turin NBOAR hotute a sawm a. Hun remchang hmasa bera Mizoram lo neitute harsatna zirchiang tura lo kal ngei an tum thu minister hi an hrilh.
Minister PC Vanlalruata hian National Bureau Of Agriculture Resources hotute chu Mizoramah khuai mi zuk thei lo (stingless bee) khawi pun dan tur leh a nursery siama eizawnna tlaka kalpui theihna tur project duanga Mizoram sorkar nen thawh dun dan tur a sawipui bawk.