Aizawl: Republic Day vawi 76-na lawmna hun, Aizawl Sipai Lammuala Pathiannia neihah parade contingent 23 – armed contingent pasarih, unarmed contingent pali, school contingent 12 bakah band party pathum an tel a. Parade Commander Yatin Sharma, IPS leh Second Commander Dr. Melvyn Varghese, IPS ten an kaihruai.
Larsap Vijay Kumar Singh chuan parade contingent zinga lâm thiam zual thlanchhuahte hnenah lawmman a hlan bawk.
Armed category-ah 2 Assam Rifles Contingent, 225 Bn CRPF leh 5th IR Bn te chuan parade thiam lawmman pakhatna, pahnihna leh pathumna an la a. Unarmed category-ah Ex-Servicemen contingent, 20 Mizo Bn NCC (PUC) contingent leh 1 Mizo Bn NCC te chuan parade thiam lawmman pakhatna, pahnihna leh pathumna an la a. School contingent zingah Oikos HSS, Neuhof English Medium School leh Ephraim HSS chuan parade thiam lawmman pakhatna, pahnihna leh pathumna an la bawk.
AR Ground hmuna Republic Day 2026 lawmna inkhawm neih zawhah Singh chuan Circular Lawn, Raj Bhavan-ah sorkar hotulute leh sawm bikte pualin At Home programme a buatsaih bawk a ni.