Aizawl: ZPM President Lalliansawta chuan khawtlang thleng phak hmasawnna tak tak an neih theih nan rorel lai VC ngei thlang tling turin a ngen.
Leite leh Rotlang East-a mi thar lawmluh inkhawm nimina an neihah ZPM President Lalliansawta chuan, India ram sorkar hial thil buaipui lian tham tak chi hnih a neih chu indo leh inthlan a nih thu a sawi a. Democracy ram an nih angin India sorkar chuan khua leh tuite, vote thlak theihna tura dikna chanco a pek angin, VC/LC inthlan lo awm turin ZPM party pawhin beiseina sang tak an nei tih a sawiin, Zoram dung leh vanga ram siam tha tura thawhpui tur mi tha tak tak Pathianin a pe zel chu lawmawm a tih thu sawiin, ZPM party zawm tharte a lawm lut.
Lunglei East bialten MLA tha tak leh mihrat khawkheng an nei chu a lawmpui thu sawiin Lalliansawta chuan, “Kan ram siam tha tur hian hruaitu hmasaten theihtawp an lo chhuah tawh a. Chutih rualin, kan ram hmasawnna a kal muan em avangin ZPM party kan lo piang ta a. Ram rorelnaa Pathiam ran tundin tumin theihtawp kan chhuah mek a ni. Kan khawtlang thleng phak hmasawnna tak tak kan neih theih nan, rorel lai VC ngei lo thleng tling turin Zoram mipui zawng zawng kan ngen a ni,” a ti.
He hunah hian Lunglei East bialtu MLA, Lalrinpuii, Health Minister pawhin thu a sawi a ni.