Aizawl: Mizoram Baptist Kohhran Assembly hnuaia rorelna sang ber, BCM Assembly Executive Committee Meeting, ni hnih awh tur chu a ni khatna nimin khan BCM Hall, Serkawn-ah neih a ni.
Meeting hi BCM President Rev. F. Ramdinmawia’n a kaihruai a, General Secretary Rev. Dr. R. Lalbiakliana’n department hrang hrang report a pe.
He meeting-ah hian kum 2025-2028 atana Mizoram Baptist Kohhran hruaitu tur – general secretary, associate general secretary pahnih leh executive secretary Aizawl Area leh Lawngtlai Area te thlan a ni a. Department hrang hrang leh committee lian – nomination, central, service leh mission department atanga thu lut te, ABC leh bial atanga thu lut te ngaihtuah a ni bawk.
Nimina kum 2025-2028 atana BCM hruaitu tur thlanna neihah General Secretary atan Rev. Dr. H. Lalthlamuana chu thlan a ni a, Associate General Secretary (Mission) atan Rev. R. Lalrintluanga chu thlangin, Associate General Secretary (Service) Rev. Vanlalmuankima thlan a ni.
Heng bakah hian Executive Secretary – Aizawl Area atan Rev. C. Lalhungliana leh Executive Secretary, Lawngtlai Area atan Rev. Dr. Lalzarliana te thlan an ni bawk.