Novak Djokovic-a chu Serbia-in Davis Cup-a Denmark an hmachhawn turah a mal tha na avangin a inlan thei dawn lo.
Grand Slam champion vawi 24 lo ni tawh hi Australian Open-a a khel entute chuan kar hmasa khan semi-final-a Alexander Zverev an inkhelhah a hliam avanga a khelh tluan thei loh avangin an lo boo tawh.
Kum 37 mi, Djokovic-a hian a hnuah a MRI tihna thlalak chu dah chhuakin a mal vei lam tha a na a, “Hetiang hi chu sports mi thiamte zawng zawngin an sawi thin ang kha a niin ka hria,” tiin a dah.
Serbia leh Denmark inkhel tur hi first-round qualifying a ni a, Zirtawpnia tan tur a ni.
“Novak-a a khelh theih dawn loh chuan kan hnufual sawt dawn tihna a ni a; mahse, chak ngei turin kan chhuak ang,” tiin Serbia captain Viktor Troicki chuan a sawi.
“Danes hi player ropui tak tak an ni a; mahse, keini pawh hian ropui tak tak kan nei a, ka team hi ka ringtawk,” a ti.