AZL: MUP hruaitute chuan nimin khan Larsap VK Singh chu Raj Bhavan-ah an kawm.
An President Nghaklianmawia hovin larsap an kawmnaah MUP hruaitute chuan governor chu duhsakna hlanin kum upate tana hamthatna awmteah theihtawp chhuahpui turin an ngen a. Heng bakah hian Mizoram hmasawn nena pawimawh hrang hrangte an sawipui bawk.
Nimin vek khan Virendra Kumar Jakhar, Executive Director, NHIDCL Regional Office chuan larsap hi kawmin Mizorama an hmalaknate a sawipui a. Larsap chuan project hrang hrangte hun bituk chhunga tha taka zo thei tura tan la turin a chah a. A bikin Mizoram châk lakna kawngpui siam hna chu ngai pawimawh turin a chah a ni.