Aizawl: ZPM President Lalliansawta chuan nimin khan ZPM party zawm thar lawm luhna inkhawm, CYLA Hall, Lawngtlaia a hmanpuinaah ZPM party chuan beihna leh sawi chhiatna karah pun lam a pan zel tih a sawi.
Lalliansawta chuan Chief Minister Lalduhoma kaihhruai ZPM sorkarin dik tak leh rinawm takin hna a thawk mek a, hun reilo te sorkar an kaihhruai chhungin ram leh hnam tan danglamna nasa tak an thlen tawh tih sawiin, “Minister la ni ngai lo leh, MLA la ni ngai loten ram enkawl hna an thawhna kawngah hlemhletna leh eiruknaah hmingchhiatna an la nei miah lo a, ZPM chu term khat a sorkar meuh chuan Mizoram tan hmasawnna leh danglamna nasa tak a thlen ka beisei,” a ti.
ZPM thuchhuahin a tar lan danin he hunah hian Mizoram BJP State Vice President T. Zakunga, MDC leh Rev. TH. Vanlalzauva bakah mi eng emaw zat chu ZPM president-in an party-ah a lawmlut a ni.