Aizawl: Keifang khaw chhunga NH06 (Seling-Dulte) kawng laih mek chungchanga harsatna awmte Empowered Committee Chairman H Lalengmawia hovin Zirtawpni khan an enfiah.
Mizoram sorkara Commissiner & Secretary ni bawk, H Lalengmawia hovin Saitual Bawrhsap Dr. Lalngura Tlau leh Revenue department-a thawktute leh NHIDCL hotute nen joint verification neiin, kawng laih chhunzawm dan tur ruahmanna hrang hrang a hmunah sawiho a, ram neitute chu an bungruate seng fel tur leh an inte lo thiat tura hriattir an ni.
Zangnadawmna sem tur chungchanga lungawi lote chu Arbitrator leh Court-ah te an harsatna thlen tura tih an ni a, kawng laih tur hi ram hmasawnna atana thil pawimawh tak a nih avangin kawng laitute tan harsatna siam lo turin mipuite hriattir an ni bawk.
Empowered Chairman hova kawng enfiahnaah hian Saitual Bawrhsap bakah Lallawmawma, Addl. DC & CALA, Saitual, V Lalduhzuala, Jt. Secretary, Land Revenue & Settlement Dept. leh NHIDCL hotute bakah contractor te an tel a ni.