Aizawl: Kum tin February chawlhni hmasa ber huama neih thin angin EFCI kohhranah Presbytery 17 leh Mission Field-te chuan January 31 – February 2, 2025 chhung khan bial pum huapin hmar chhak state hrang hrangah Presbytery Inkhawmpui leh Mission Field Conference an hmang.
He inkhawmpuiah hian rorelna hun bakah, biak in inkhawmah thlarau thupui atan ‘Pathian kan inhumhimna’ (Sam 46:1-11) hman niin, Pathianni chawhma inkhawmah Kohhran Upa Ordination hunserh neih a ni bawk.
EFCI Mizoram Region chhungah Presbytery panga-te chuan Darlawn (Aizawl Presbytery), Tlabung (Lunglei Presbytery), Rengtekawn (Kolasib Presbytery), N. Tinghmun (Sakawrdai Presbytery) leh Chiahpui (Khawlian Presbytery) hmunah te an hmang a ni.