Excise & Narcotics Department leh FIU, Assam Rifles te thawk dun chuan Thawhlehni chawhnu dar 2:20 khan Zote |iau, Champhai district-ah Methamphetamine Kg 2 & gram 222 (Tablet 20,200) leh a neitu nia puh mi pahnih – Sumlamthang (35), Bulfek, Myanmar leh Zamngaihno (36), Bukphir, Myanmar-a khawsa nia inchhalte chu an man.
Thawhlehni vek tlai dar 5:40 khan Excise & Narcotics Department chuan Heroin gram 246 (Hawng 23) leh a neitu nia puh mi pahnih – Kapchina (34), Khawmawi, Myanmar leh Naman Uddin (32), Eraligool, PAS Patharkandi, Karimganj district, Assam-a khawsa nia inchhalte an man a. Heroin phurh kualna atana an hman lirthei pahnih – SML Truck (Regn No – MZ04A-4454) leh Wagon R car (Regn No AS10G-9038) pawh hrensak an ni.
Heroin leh Methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, Thawhlehni khan khan court-ah hruai nghal an ni.