Aizawl: ZPM Vice President C Lalnunnema chuan Thorang Assembly Constituency chhung tan a thawh khatna atan thlai thar leina tur budget-ah Rs nuai 2,000 dah fel a nih tawh thu a sawi.
VC inthlan lo awm tura Thorang bial chhung khaw hrang hrang a fanga campaign beihpui a thlaknaah ZPM Vice President C Lalnunnema chuan, chief minister Lalduhoma kaihhruai ZPM sorkar chu kuthnathawktute hmangaihtu a nih angin, kut hnathawka eizawngten hlawk zawka thlai thar thlan bik – hmunphiah, sawhthing, aieng leh hmarcha an hralh theihna turin tih tak zetin a buaipui mek niin a sawi.
Thoral bialtu MLA ni bawk C Lalnunnema chuan, a bial chhungah Secondary collection pathum lai awmin, sorkarin thlai thar leina (market support price) tur pawh budget-ah dah niin, tunah hian thawh khatna atan Rs nuai 2,000 chu, Mizoram Agriculture Marketing Board kutah a dah fel tawh a, a tul ang zelin support price dah zel a nih tur thu leh, hmun hrang hrangah sorkar chuan empanelled buyer te hmangin thlai thar lei hi buaipui mek a nih thu a sawi.