Nigeria hmar lama Islam sakhaw thu zirna sikula kangmei chhuakah naupang 17 vel an kang hlum.
Kauran Namoda, Zamfara state-a kangmei chhuakah hian zirlai dang eng emaw zat hliam tuar an awm bawk a, damdawi inah hruai a ni hlawm.
Kangmei chhuak hi Thawhlehni zana a bul in kang atanga intan nia rin a ni a, sikul hi manin tleirawl rualte chu an muthilh laiin a kang ta nia rin a ni.
Tual chhung thuneitute leh emergency service-te a hmunah hian tirh nghal ni mah se mi tam tak thi leh hliam an awm hman a ni.
Thil thleng hmutu, Yahaya Mahi chuan sikul awmna laiin a zir loh avangin mei hi thelh mih mai a harsa niin a sawi.
“Kang thelhtute hi a hunah tak lo thleng pawh ni sela in dinna lai hi kawng zim tak a ni a, chet vel a harsa em em tho a ni,” a ti.
Tual chhung thuneitu, Mannir Haidara chuan Islamic sikul hi an endiknaah kangmei chhuah mai theihna tur a nih loh thu leh hlauhawm a nih loh thu a sawi.
“Hetiang hi a thlen tawh lohna turin invenna leh kaihhruaina pawh kan ennawn ang,” a ti.