Sri Lanka ram pum pui chuan Pathianni chawhnu atang khan power supply an nei lo va, zawi zawiin tihên leh hret hret erawh a ni a, damdawi inte pawhin generator an ring.
Thuneitute chuan thliarkar ramah hian power hi darkar reilo te chhunga tihnun leh theih tur a nih thu an sawi a, damdawi in leh tui tihthinghlimna hmunte chu ngaih pawimawh erawh an ni tih an sawi.
Energy Minister Kumara Jayakody chuan power awm loh chhanah hian zawngte a puh a, ‘kan grid transformer lo tawk fuhin kan system a tibuai ta a ni’ tiin a sawi niin AFP news agency chuan a tar lang.
Ceylon Electricity Board (CEB) chuan power awm loh chhan hi Colombo chhim lama sub-station-ah rikrum thl a awm vang tih chauh an puang a, a bak engmah an sawi lo.
“Engineer-ten an bei mek a, a rang thei ang bera pek chhuah leh a ni ang,” tiin minister chuan a sawi.
CEB chuan ‘thliarkar pum puia power awm lo hi a rang thei ang bera tih that leh tumin theihtawp chhuah a ni’ tih an sawi bawk.
Mi maktaduai 22 chenna thliarkar ramah hian damdawi in leh sumdawnna hmunte chuan generator leh inverter an hmang hlawm.
Sri Lanka hian kum 2022-a an ram economy a tlakhniam vanglai khan ram puma thim ang chi an ngah hle thin.