Manchester City chuan Championship-a talbuai mek, Plymouth Argyle chu FA Cup 5th round-ah an hmachhawn dawn.
Argyle hian Premier League hmahruaitu ni mek, Liverpool chu 4th round-ah khan rin loh taka pet tlain English champion ni mai an hmachhawn zui lehnghal dawn tihna a ni.
Nomawi kawl mektu, Manchester United chuan Fulham an hmachhawn dawn a. Newcastle United-in Brighton hmachhawnin Bournemouth-in Wolverhampton Wanderers an hmachhawn dawn bawk a, hengte hi Premier League la damte intum tur an ni.
League One Exeter leh Premier League Nottingham Forest chak zawk zawkin Ipswich Town an hmachhawn dawn a, Aston Villa-in Cardiff City an hmachhawn bawk ang.
FA Cup 5th round hi March 1 leh 2 chawlhkar tawpah khelh tura ruahman a ni a. He round-ah hian round hmasa lama hman loh, Video Assitant Referee (VAR) hman a ni tawh dawn a ni.
Round hmasate ang bawkin inhnehtawk an awmin replay a la awm dawn lo zel a. An inhnehtawk chuan hun pek belh an ni ang a, an la inhnetawk zel chuan penalty pet hmanga a chak zawk zawn a ni ang.