Kum nga chhunga kan khawtlang hruaitu thlanna hun kan lo thleng leh ta. Kan ngaihtuahna leh rilru chiaina zawng zawng dah thain, kan mi duh leh hmalam hun atana kawng dika ke min pen pui thei ngei tur kan thlan thiam a ngai ta e.
Khawtlang hruaitu village council/local council thlanna hi political party tinin mi tha tak tak, anmahni mi leh sa atanga an mi rin tak takte an thehchhuahna hun a ni a, thenkhat chuan duhtawk mai lovin khawtlang aiawh zo tur an party aiawha ding turin an sawm thin bawk.
Heng kan aiawha khawtlanga roreltu tur kan thlanna kawngah hian party anga en chi niin a lang lo a, sorkar-na siam thei tur chin chu awm bawk mah se, mihring tha leh tha lo, kan veng leh khawtlang tana ngaihtuahna seng thei tak tak tur, kan mi rin ngam ngei kan thlanchhuah thiam erawh a tul awm e.
Tutepawh lo tling se, kan chhia leh tha hriatna hmangin kan mi duh leh hma hun eng nei tura kan mi duh ngei vote thei ila, kan rilru hnual loh nan kan mi duh tak vote-na hun thaah i hmang thiam ang u.
Khawtlang aiawha ke penchhuakte hi mi fing leh dik ber berte erawh an ni hauh lo ang, mahse mipuite hmakhawngaia ke pen, lo intlinpawlh deuh pawh nise thawk ho thei tur an ni ngei ang tih ring ila, kan mi duh tak vote chatna hun thaah hmangin, party rilru pu lova khawtlang hmangaihtu tur ngei thlanna hunah i hmang ang u.