Mizoram Rajya Sabha MP K Vanlalvena chuan Parliamentary Committee on Railway meeting-ah Sihhmui rel station chu Myanmar ramri thleng siam ngei a tul thu a thlen.
Thawhtanni kalta khan Parlianment Committee Room-ah Parliamentary Committee on Railway meeting neih a ni a. Rajya Sabha MP chuan Bairabi leh Sairang rel kawng siam mek chu zawh a nih dawn hnaih thu sawiin, economic hmasawnna atan leh ram venhimna atan Sihhmui rel station chu Maynmar ramri thlenga siam a tul leh thil pawimawh a nih thu a sawi.
K Vanlalvena chuan railway hnuaia hna lak thar turte exam centre, Guwahati-ah chauh a awm avangin Mizoram atanga exam a harsat thin thu sawiin Aizawlah dah ngheh ve a tul thu a sawi bawk.
Parliamentary Committee on Railway meeting hi chairman ni lai, CM Ramesh-a’n a kaihruai a. MP 20 leh railway official an tel bawk.