AZL: Excise & Narcotics Department (END) chuan Myanmar atang lak luh Siaha-ah Opium thahnem tak an man.
Thawhlehni tlai dar 5:45 khan END chuan Champhai District-a Zote leh Myanmar ram, Bulfek inkar kawngah Opium gram 945 leh a neitu nia puh – Beirahnei (38), New Colony, Siaha; Chinsianmung (25), Bulfek, Myanmar nia inchhalte an man.
He thila inhnamhnawih ve tho nia puh – Chinsiandawni (40), Bethel Veng Champhai-a khawsa nia inchhal chu February ni 11, 2025 zan dar 7:30-ah Champhai Vengsangah man a ni bawk.
Opium hi Tahan, Myanmar atanga lak niin Siaha-a hralh tura tih mek lai a ni.
Opium vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, nimin khan District & Sessions Court, Champhai-ah hruai nghal an ni.