Aizawl: Lunglei Police hnuaia District Special Branch (DSB) leh Excise and Narcotics Department-te chuan nimin zing dar 2:30 khan Lunglei Bazar Veng thlen hma, Lungchhe ngaw chhuk thlaah silai leh a mu thahnem tak an man.
Thudawn danin, silai leh a mu te hi Maruti Alto, MZ01S/3210 hmanga phurh niin, Thenzawl atanga Lunglei panpui nia sawi a ni a. Lirthei khalhtu leh a chhunga chhuang mi mi pathum – Roni Chakma (45), Dhalai, Tripura; Anirban Chakma (34), Adubangasora, Lawngtlai Dist leh Ribeng (24), Tipperaghat, Lunglei Dist nia inchhal te man nghal an ni.
Lirthei atang hian AK 47 – 2, M4 Carbine – 5, magazine – 20; Live Amns, 7.62MM – 504; Live Amns 5.56MM – 4675; pawisa fai Rs. 49,550 leh ID card, ATM Card, Sim Card leh Mobile phone panga an man a ni.
Silai leh a mu man chungchangah hian Lunglei Police Station-ah thubuai ziah luh nghal a ni a. He thil kaihhnawihah uluk taka chhui zui hna thawh mek a ni bawk.