AZL: ZPM party chuan local/village council thlanna neih zawh taka hmun hrang hrangah LC/VC member tharte chu sorkar hmalaknaah tha taka thawhpui turin an ngen.
Nimina thuchhuah an siamah ZPM party chuan local/village council inthlan zawh takah veng leh khaw hrang hranga thlan tlinte chu an lawmpui thu an tar lang a. Ram, veng leh khawtlang tan thahnemngai taka thawk turin duhsakna an hlan.
ZPM chuan hmun hrang hranga LC/VC member tharte chu khawtlang rawngbawlna hna thawk tura an rin tawk thu leh mipui tana sorkar hmalaknaah tha taka thlawp a, thawhpui turin an ngen bawk.
VC/LC inthlana hnehna chang rih lo, mi tha tak tak leh veng leh khawtlang tana hmathlir nei tha tak takte pawhin an tha leh zung, ngaihtuahnate ram leh khawtlang rawngbawlna atana seng a, huaisen taka hma lam pan zel turin duhsakna an hlan bawk.