AZL: Mizoram tlawha zin, Union Home Secretary Govind Mohan chuan Inrinni khan Chief Minister Lalduhoma kawmin thil pawimawh hrang hrang an sawi dun.
Chief minister pisa-a an inkawmnaah Lalduhoma chuan Mizoram a tlawh avangin Mohan chu lawmthu a lo hrilh a, hun nuam tak hmang turin duhsakna a hlan.
An inkawmnaah hian Ministry of Home Affairs-in Mizorama hma a lakna thilte an sawi.
Mohan hi Mihir Kumar, JS, (BM-I) Ministry of Home Affairs; Praveer Ranjan, IPS, Spl. DG/ Airports, CISF Hq.; Deepak Verma, DIG AP, (E & NE), CISF leh official pawimawh dangten an rawn tawiawm.
Chief minister hi K. Sapdanga, Home Minister, TBC Lalvenchhunga, Adviser to CM, Khilli Ram Meena, Chief Secretary, Anil Shukla, DGP leh official pawimawh ten an tawiawm bawk.