Manchester United forward Amad Diallo chu a kheimit tha a tihnat avangin hun rei tak a chawlh a ngai dawn.
Kum 22 mi, Ivory Coast international hian a Instagram account-ah Inrinni khan a inhliam thu leh chawlh rei deuh a ngaih tur thu hi a tar lang.
United chuan eng ang chiaha na nge a nih an en zui mek a; mahse, Diallo hi chawlhkar eng emaw zat chu a chawlh a ngai dawn tih a chiang a, tun season-ah pawh a inlan thei tawh lo mai thei.
“Season khirh leh hautak lai taka hetiang thu puan a ngai ta hi a hrehawm tak zet a ni,” tiin Diallo hian a tar lang.
“Vanduaithlak takin hliam vangin ka chawlh deuh a ngai dawn a. A hma aia tha zawkin ka lo kir leh ang!!” a ti.
United-in season hautak leh tha tehchiam lo an hman karah Diallo hi a tilawmtu tlem zinga mi a ni a, winger hian a khelh hnuhnung vawi 14-ah goal ruk a thun tawh.
England midfielder kum 19 mi, Kobbie Mainoo pawh a inhliam avangin Pathianni zana Premier League-a Tottenham an khelh tumin a inlan thei lo bawk.
“Ni hnih liam ta hma thlenga harsatna kan neih hma kha chu tun kar hi chawlhkar duhawm tak a ni,” tiin United boss Ruben Amorim chuan Zirtawpnia thuthar lakhawmtute a kawmnaah a sawi.
United tana lawmna chu Inrinni khan Lisandro Martinez-a khup tha takin an zai tih a ni.