Aizawl: Zirtawpni khan Assam Rifles leh Custom Preventive Force, Champhai tangkawp chuan India rama cigarette lar tak, Gold Flake lem (duplicate) an man.
Thuchhuah an siama AR tar lan danin Gold Flake hi Ruantlang, Champhai district chhung ram hnuaiah, bawlhhlawh paihna hmunah uluk taka thuhruk an man a. A vaiin bawm 689 niin, Rs nuai 23.42 man hua chhut a ni.
A bawmah Gold Flake siamtu company, ITC, Ltd., Kolkata a inchhu a, a man chu bawm khat Rs. 170 angin a inziak.
An mante hi Myanmar atanga lakluh nia hriat a ni a. Customs Preventive Force, Champhai hnenah hlan a ni.