Aizawl: Mizo Zirlai Pawl (MZP) chuan an ngenna avanga railways hnuaia hna hrang hrang awmte Aizawl-a exam a ni tawh tur chu lawmawm an tih thu an sawi.
Nimina MZP Gen. Hqrs Extended OB meeting, MZP Pisapui-a thukhawm chuan Zoram Ni 2025 hman dan tur leh Aizawl railways hna hrang hrang exam a nih theihnan an hmalaknate an ngaihtuah a. |hutkhawmah hian kum 2008 atanga ‘Zoram Ni’ tia an lo hman thin, kum 1966 a India sorkarin Jet Fighter hmanga Mizoram hmun hrang hrang a beih champhaphak chu hman leh ngei an rel a. March 5, 2025 hian Dawrpui Multipurpose Hall-ah, ‘Tho la ding ta che’ tih thupuia hmangin hun hman an rel.
Thutkhawmah hian Mizoram-ah rrl a lo luh dawn avanga, railways hnuaia hna hrang hrang awmte zirlaiten awlsam zawka an luh theih nan, Mizoram Larsap leh K Vanlalvena MP (Rajya Sabha) hnenah hmala tura an ngenna avanga railways hnuaia hna hrang hrang awmte Aizawl-ah exam a ni tawh tur hi lawmawm an tih thu sawiin, Larsap VK Singh leh K Vanlalvena, MP, Parliamentary Committee on Railways member ni bawk te chungah lawmthu an sawi bawk.