Aizawl: District Agriculture Marketing Committee (DAMC), Aizawl chu an chairman leh District Bawrhsap Er. Lalhriatpuia hova thukhawm chuan notified crops lei turin Local Purchase Advisory Board din an remti.
Nimina Aizawl DC Conference Hall-ah DAMC, Aizawl district member thukhawm chuan, notified crops lei turin Local Purchase Advisory Board din a rem ti a, chairman atan district bawrhsap leh member secretary atan DAO, Aizawl District bakah member dangte a ruat nghal.
Thutkhawmah hian sawhthing chingtute hman tur kg 40 dawng ip (Mesh Bag) a thlawna sem dan tur leh a kaihhnawih thilte leh Secondary Collection Centre a supervisor-te leh Co-ordinator-te hnathawh ho dan tur chungchangte an rel.
Heng bakah hian kuthnathawktute sawhthing hralhna man an bank account theuha thun dan tur te, secondary collection centre-a power supply dinhmun chungchangte leh notified crops lei leh hralh dan thlir ho tur a weekly review meeting neih chungchang te an rel bawk.