AZL: Assam Rifles leh Mizoram Police-te thawkdunin bomb tihpuahna electric detonator cordtex an man.
February 15, 2025 khan Assam Rifles leh Mizoram Police te chuan Tui lui, Vawkte Kaiah Myanmar atanga bike hmanga phurh luh bomb tihpuahna electric detonator bundle 3,000 leh cordtex roll hnih, meter 700-a sei ve ve an man.
Hemi kaihhnawihah mi pahnih man an ni. Zokhawthar Police Station-ah thubuai siamsak an nih hnuah, Court-ah hruai niin lung inah khung nghal an ni.
February 17, 2025 khan Assam Rifles leh Zokhawthar Police te chuan Zokhawthar-a Vang Kaiah methamphetamine tablet kg 9.298 an man a. Methamphetamine neitua puh, Myanmar mi pahnih Lalthangvela (28), Khawmawi (Myanmar) leh Zaithangpuia (26), Khawmawi (Myanmar) nia inchhal te an man nghal bawk.
Methamphetamine vanga mante hi Zokhawthar Police te hnenah hlan an ni.