Aizawl: Inrinni khan UD&PA Minister K Sapdanga’n a department, Aizawl khawpui chhunga UD&PA hnuaia hmun pariata hnathawh hrang hrangte a endik.
UD&PA minister hian hmasawnna hnathawh hrang hrang a endikte hi Zodin Multi Level Parking cum Utility Centre, Reconstruction of Sanitation Site Office, Tuikual; Aizawl Convention Centre (phase I & II), MINECO; Multi Utility cum Community Centre, Tuikual North; Extension of Sports Centre, Chawnpui; Multipurpose Hall, Chawnpui; Multipurpose Community Hall, Zonuam leh Chaltlanga Multipurpose Parking cum Vegetable/Meat Market te an ni.
K Sapdanga chuan heng hnate zingah hian kum 2018 atanga thawh tan tawh, Zodin Multi Level Parking cum Utility Centre chu mipuiin an nghahhlelh tawh thu leh contractor-te pawh tang lehzuala thawk turin a hrilh a. Smart Transformer installation leh Robotic Parking chu testing & commissioning hmabak a nih thu leh a rang thei ang bera thawk turin department official-te leh contractor te chu a hriattir bawk.
Minister hian a department chan hnuaia hmasawnna ruhrel hrang hrang thawh mek te hi a viltu engineer, official-te leh mi pawimawh dangte nena thawk chhuakin, uluk takin a sak hna kalpui dante an thlirho va. Heng hnathawh mekte hi a tha tlang viau a, tha taka chhunzawm tura chahin hnathawktute chungah lawmthu a sawi a. Hna thenkhat, tan lak ngai deuh thawktu contractor te pawh rintlak leh tang zawka hna chhunzawm turin a chah bawk.