Inrinni khan UD&PA minister K. Sapdanga chuan hmun riatah a department chan hnuaia hnathawh hrang hrangte endikin, official-te nen an inzui a, hemi tuma an entawntlakna lai tak pakhat erawh chu lirthei pakhata ama hoa an inzui mai thei lai kha a ni.
Kan hriat angin kan sorkar hrawn mekte hian rorelna fawng an chelh tirh khan inrenchem kum min puanpui nghal a, an campaign auhlaah pawh chief minister leh minister dangte pawh inzui bung bung lo turin an lo sawi chamchi tawh thin a, mahse zawm a hlawh lutuk lo thung niin a lang chu a nih hi!
Tunah home minister hoin official-te chu anmahni official motor pawh ni lo, lirthei pakhatah chuang chungin an kal mai a, hnathawh mek leh a dinhmunte an enfel thak mai a, kha kha mipuiin kan hmuh chak chu a ni.
Sorkar hotu lawkte leh a fawng chelh mektute hian an duh chuan hetiang hian an ti thei vek a, tuna home minister chetze mawi ang hi chhawm nungin, amah leh a kaihhruai hote hian ti chhunzawm zel thei se la, chief minister ber pawh hian ching zuiin, ama ho hian chhunzawm mawlh teh se. Inzui duah duah leh sorkar sum tihek lo zawnga mawi hnaia chet hi thangtharte lawm leh fak hlawhna a lo ni zel tawh zawk tihte hi i hre tawh zawk ang u.