MNF NCC member K Vanlalauva, ex-Minister chuan MNF chu hnam lungphum nghet tak nei a nih thu a sawi.
Nimina Mizo Hnam Run chhung inkhawmah thu sawiin K Vanlalauva chuan, MNF hian hnam lungphum nghet tak mai nei a nih thu sawiin, “Tute party vanga kehchhe ve mai mai thei a ni lo. Martar thisen a silfai party dik tak kan ni, han zuai chang te awm ve thin mah se, kan hnam lungphum ze nghet tak a lo lang a, min rawn kai tho leh thin a ni,” a ti.
K Vanlalauva chuan Laldenga anga mi ropui, Pathianin Zofate a pe hi vanneihthlak a tih thu a sawi a. Pathianin Mizote hi hnam, sakhua leh ram a pe a, hemi humhalh tlat duhna leh hmangaihna thinlung chu Laldenga’n Zofate hnenah a tuk hi ropui a tih thu sawiin, a chituh chu uar lehzuala an puan darh a, an nunpui zel hi Mizo hnam tan a pawimawh takzet tih a sawi.