Aizawl: Mizoram Larsap Gen Vijay Kumar Singh chuan 16th Finance Commission Chairman Dr Arvind Panagariya leh member te hnenah, Mizoram kaltlanga ruihhlo tawlh a hluar nasa avangin hemi kawnga hmalak nasat a tul thu a sawi.
Pathianni zan khan Mizoram tlawha zin mek, 16th Finance Commission hotute chuan larsap chu Raj Bhavan-ah an kawm a. Larsap chuan Mizoramin chhiah a lakluh tam loh avangin sorkar laipuia rawtna an thlen hunah hriatthiamna nei turin a chah.
Mizoram kaltlanga ruihhlo tawlh a hluar avangin hemi do kawngah hmalak nasat a tul thu sawiin dan leh thupek kenkawh kawnga mamawhte thawm that a tul thu a sawi.