California governor hlui leh Hollywood superstar lar tak ni thin Arnoldy Schwarzenegger chuan kum a lo upat a, ‘tar’ hmel put tak tak chinah chuan mihring ve mai a nihnaah a chiang lehzual.
Kum 78 mi ni tawh hian a that lai leh vanglaia a taksa fit zeih zawih ta, a chhuan em em leh a en ngawih ngawih thin chuan kiansan duak duak tawhin, tunah chuan ngaiawh chu sawi loh, a tlahniam tial tial, a ti.
Tunhnaia interview-na pakhatah phei chuan, “Nitin hian darthlalang hmaah ka in en hian, ‘Yep, ngaihna awm tawh lo’ ka ti thin a, ka nui lehringawt zel,” tiin a sawi.
Sawi chhunzawmin, “He taksa hi han en teh! Tihrawl ngah em em leh sek phiar mawi tak ni thin, chak bawk si, theihna ngaih bawk si kha! Tunah chuan an uai thla vel mai mai tawh. Eng thil nge thleng ta le,” a tichhuak hial.