Rio de Janeiro-ah Lady Gaga a kir leh dawn ta.
Kar liamta khan kum 38 mi hian May 3-ah Copacabana Beach-a a zai dawn thu hi puangin, hei hi kum 2012 hnua a zai leh hmasak ber tur a ni.
A zaina tur hi Todo Mundo no Rio tlangzarhna tur niin, hei hi intihhlimna pawimawhzia pholanna tur event pakhat niin, Rio khawpuia event lian tham tak neih thin a ni.
He a show neih tur hi Gaga in Rock in Rio music festival-a a perform tur a cancel tak atanga kum sarihna a ni a, hemi tum hian a taksa lamah harsatna leh damlohna a neih avangin a lo cancel tawh a, damdawi ina dah luh hial a lo ngai tawh a ni.
Kum 38 mi hian Rio khawpui a kal leh thei tur chu lawmawm a tih tak zet thu a social media lamah tarlangin, harsatna a chunga a thlen avangin a tlawh lohna a rei tawh a, tunah chuan damna famkim nen an tan ‘khawvel’ nih ngei a tum thu a tarlang.
Lady Gaga hian March 7 hian album tihchhuah tuma hmala mek bawkin, a album thupui tur hi ‘Mayhem’ a nih tur thu a lo puang tawh bawk.