Magnitude 5.0-a na lirnghingin Assam-a Morigaon district chu Ningani hma takah a sawi a, Guwahati leh state chhung hmun dang thenkhat pawh a sawi tel.
National Center for Seismology (NCS) chuan lirnghing hi zing dar 02:25-ah a nih thu leh lei hnuai km 16-a thuk atanga intan niin a sawi.
Assam hi India-a lirnghing awm duhna lai hmuna awm niin a nghing zeuh zeuh reng a. Seismic Zone V-a awm niin lirnghing na tak tak a thlen hlauhawmna ber hmun a ni.
Kum tam tak liam tawhah pawh lirnghing na tak tak a lo tuar fo tawh thin a. 1950 Assam-Tibet earthquake (8.6 magnitude) leh 1897 Shillong earthquake (8.1 magnitude) te chu an chanchina a nat ber tumte a ni hlawm.
Thawhlehni khan magnitude 5.1-a na lirnghingin Bay of Bengal a sawi bawk a, Kolkata bakah West Bengal hmun tam takah hriat a ni a. NCS chuan zing dar 06:10-a nghing niin a sawi.
India Meteorological Department thuneitu chuan lirnghing hi Puri, Odisha atanga intan niin news agency PTI a hrilh a. Bay of Bengal-a km 91-a hla atanga intan niin a sawi.
Lirnghing avang hian Kolkata-a cheng tam tak chu an chiai hman hle a; mahse, a nat lutuk loh bakah thil tihchhiat leh thi leh hliam an awm hriat a ni lo.