Vau thla chu naktuk mai a ni leh dawn ta. Chap a char a, thlawh hma neite tan chuan lo hal a hun chho leh tan dawn ta bawk.
Hetih hunah hian Mizote chuan fimkhur takin hun an hmang chho a, chapchar awllen laiin intihhlimna leh eng eng emaw inbuatsaihna an lo nei lawk thin.
Lo an hal hunah kangmei nasa zawk a chhuah loh nan meilam tha takin an sial a, midang tibuai lova chet hram hram tumin pa a inpuahchah a, chhungkua an tangrual chhunzawm thin bawk.
Hun a kal zel a, khawvel hmasawnna leh eizawnna danglam chho zel avangin lo hal buai a ngai lo ta fo zawk a, mitin min nghawng lo chho ta zel bawk. Mahse, kangmei erawh chhuak awlsam tak a nih avangin fimkhur erawh a la ngai reng thin.
Khua a lo ro chho tan a, in lam leh ram lama kangmei chhuah awlsam hun lai a ni a, Mizote chuan kan khawsak phung lo danglam chho zel tawh mah se, midangte tibuaia kangmei tihchhuah loh hram zel hi kan pi leh pute atanga kan nundan mawi tak erawh a la ni reng.