Gym-a inlak ‘fit’ aiin hmun thengthaw nuam leh park-a ‘jogging’ neihte hi a tha zawk a, taksa tan chakna a thlen bakah rilru sukthlek pawh a titha zawk niin, BMC Public Health journal-in a tarlang.
Boruak nuam tak awmna, entirnan- Park ang chiahte hian jogging neih hi a tha hle a, boruak lut leh chhuak awm lem lo, ‘gym’ -a thlan tihtlak chiam aiin, an hlim a, zawngchhang thlak an ti bawk. Jogging nei thinte hi hnathawhnaah pawh rilru an pe tak tak thin tih a ni.
Pâwn lama ‘exer’ lak hrim hrima hi Inchhunga lak aiin thinrimna, chauhna leh rilruhahna vaikian nan paw’n a letin a tha zawk tih a la ni lehzel bawk.
Sum leh pai a ‘save’ nasat bakah, membership fees chawi ngai ve lo anih avangin hei ringawt pawh hi hlim taka nuih ver verna tham a tling tawh, tih a ni bawk.
A nei fate’n Gym kal an intih hmuh nasa lehzual a, fashion anga ngai leh tunlai thil intihhmuhna kal zela Gym kal pawh thahnem tak an awm nia hriat a ni.
Taksa mamawhna leh tul tak tak nia ngai, rilru leh tih tak zeta hmasawn tuma Gym kal a, instructor te kaihhruaina hnuaia thuawih taka kal an awm laiin, a tam zawk hi chu heti ang rilru an pu chiah lo nia hriat a ni.
Taksa sawizawi a nih hian a hmun leh hunin a zir a ngai a, zing kar boruak thawveng leh thianghlim tak hnuaia kalpui a nih hian taksa mai ni lo, thlarau tan pawh chaw tha tak a tling.
Jogging hi ram changkang zawkah te chuan an intihhmuh nasa hle a, hunbi nei taka ti a, ngaipawimawh thin te hi kawng engkimah an rilru a puitling hle, tih a ni.