Aizawl: Aizawl Municipal Corporation (AMC) huaihawtin ni thum (February 25 – 27, 2025) chhunga neih, Aizawl Day 2025 lawmna chu nimin chawhnu dar 3:30 khan kharna hun hman a ni.
Aizawl Day kharna AR Lammuala neih chu AMC Executive Corporator Lalringliana’n a kaihruai a, K. Vanlalruata, Deputy Municipal Commissioner & Secretary, Aizawl Day Organising Committee-in Aizawl Day lawmna report a pe a. R. Thanglura, Deputy Mayor-in thu sawiin, Lalremruata Kullai, Joint Municipal Commissioner-in lawmthu sawiin Aizawl Day lawmna chu a tin a ni.
Aizawl Day lawmna neih chhung hian Mizo thilsiam hrang hrang leh thildang pholanna Stall leh Food Stall-te AR Lammualah siam a ni a. Aizawl Day Concert, cosplay, naupang infiamna hmun (children’s playground) te neih a ni bawk.
Heng bakah AMC buatsaih Aizawl Day lawmna Mayor’s Cup – Inter Ward Basketball Tournament (for Mens) te, college quiz competition te, AMC Short Documentary Film (3 minutes) insiamsiak te, faina leh thianghlimna kawnga mi mal hma la tha chawimawina hlan te neih a nih bakah, hotel leh restaurant fai thlanchhuah ni bawkin, hotel fai berah Ransam Hotel, Thuampui Vengthar thlan a ni a, restaurant fai berah Donum Dei, Dawrpui Vengthar thlan a ni.
AMC chuan Aizawl Day 2025 Celebration hlawhtlinna atana tha thawhtute chungah lawmthu an sawi a. A chhimtu mipuite chungah lawmthu an sawi bawk.