AZL: Union Minister of State for Road transport & Highways and Corporate Affairs Harsh Malhotra-in nimin khan Saitual district a tlawhin, Saitual district-a office hotute, village council leh NGO hruaitute a kawm.
Saitual DC Conference hall-a an inkawmnaah Union MoS Harsh Malhotra chuan sorkar laipui hmalakna (Central Scheme) hrang hrang a bikin, Mahatma Gandhi National Rural Employment Guarantee Act (MGNREGA), Pradhan Mantri Awas Yojana (PMAY), Jal Jeevan Mission (JJM) leh Mid-day Meal te chu Saitual district-a tha taka kalpui a ni chu lawmawm a tih thu a sawi a. Harsatna an neih leh an mamawhte ziaka thlen tura chahin, a theih anga hma laksak a tum thu a sawi.
Union MoS hian Saituala District Hospital, Govt. High School leh Tamdil te a tlawh bawk a. District Bawrhsap Dr. Lalngura Tlau bakah district chhunga officer te leh NHIDCL lama hotuten an lo dawngsawng a ni.